الـطـفلة الـلي داخـلي تـعشق الـغيم
يـنـبـت لـخـافـقها بـشـوفـه جـنـاحـين

يـنـبـض بـهـا وجــد وحـنـين وتـرانـيم
وآهـاتـهـا بــيـن الـحـنـايا مـسـاجـين

رغـم الـسواد ورحـلة الصبر والضيم
بـاقـي بـهـا عـشق الـرسم والـتلاوين

دايـــم تـنـاظر لـلـطبيعه وبـهـا تـهـيم
وتــفــز لا شــافــت ورود الـبـسـاتـين

وعشب الفياض اللي زها بهلة الديم
و ورد الـخزامى والـنفل يـبهج الـعين

ويـشـوقـهـا ذود الــنـيـاق الـمـجـاهـيم
والــوضـح تـلـعـات الـرقـاب الـمـزايين

وشـمخ الـجبال الـراسيات الاشاميم
والـبـحـر وامــواجـه يـبـيـح الـمـكـانين

والــبـدر لا ضـوَّى بـلـيـل الـمـعـازيـم
وهبة هوى الغربي بها الخاطر يزين

بــاقـي بـهـالطفلة أمـانـي وتـصـميم
بـاقـي تـأمـل مـوعد الـفرحه يـحين!!