عـرعـر لـهـا فـالـقلب ذكــرى ونـيشان
مـضـى بـهـا عـهـد الـصـبا والـطفوله

بـها الـعمام الـلي على الراس تيجان
كـانـوا مـثل بـالـمـرحـمـه و الرجوله

أحـيـوا سـنـين الـعـز عــزوه وجـيـران
وضـعـيـفهم مـكـفـول شــالـوا احـمـوله

مـتـكـاتـفين وعـلـمـهم يــرفـع الــشـان
واوقــاتـهـم ونــســه ولا هــــي مـلـولـه

لـلـنـجر دنـــه تـطـرب صـقـور حـوران
واقــلـط تـقـهو وكـل لـيـلـه امـحـفـولـه

وقت الضحى فنجان والعصر فنجان
والـبـال صـافي والـجـمـاعـه صـفوا لـه

وذبــايــح تـطـبـخ اذا حـــل ضـيـفـان
وذبــايــح تــطـبـخ طـنـاخـه و ســولـه

يـلـفي عـلـى الـبيبان جـايع وشـبعان
كــل شـيـّهم مـبـروك مــا خـططوا لـه

والـرزق بيد اللي على الكون سلطان
وقـلـوبـهـم بــيـضـا ولا هــــي زعــولـه

دورن مـضـى مــادار مـثله بـالازمان
واهله خذوا في صفحة المجد جوله!!