كل ماشفت زوله راودتني قصيده 
واستهلت هجوسٍ باذخه في سموّه

القصايد توالت في جنابه فريده
واقبلت لي ترازم غيثها وسط جوّه

حيّ هالشوف والله والمعاني مجيده
حي نورٍ تبيّن … في سمانا علوّه

تبتهج بك حروفي مفرداتي سعيده
تو زانت معاني شعري اليوم توّه

يامحمد ونهجك تابعٍ للعقيده 
ماتغش وتخادع في كلامٍ مموّه

ياسمو المكارم والفعايل شهيده
ذخر كل العروبه وانت رجلٍ مفوّه

يعربيٍ مردد والمعادي تبيده
انت عز العروبه ساس عزمٍ وقوّه 

جعل يصلى عدوك فوق نارٍ وقيده
ميته السوء تاخذ كل نذلٍ  بسوّه

اسأل اللي تعلّى وسجدت له عبيده
يحفظ ارض الهدايه والوحي والنبوّه