مساء الورد والريحان
مساء المغرم الولهان
امسي فيك ياغلا انسان
ولا غيرك يمسيني
انا ودعت ضيقاتي
ودمع العين واهاتي
معك حققت رغباتي
احبك يانظر عيني
وداعآ للحزن كله
بشوفك زاحة العله
انا مسرور بالطله
دخيلك لاتخليني
ملاك الروح يالغالي
مكانك بالحشا عالي
معاي ودايم قبالي
اقهويك وتقهويني
واسوف لك عن اشواقي
وحبآ داخل اعماقي
غرامك بالحشا باقي
تعال اكشف شراييني
احبك يالغلا واهواك
واموت بشوفك ولقياك
شعوري ماوصفه وياك
لأنك شمعة سنيني
حبيبي فدوتك كوني
وكل الشعر ولحوني
مابيك تعيش من دوني
ابي بالوصل تسقيني
وانا والله ماخونك
ولا باعيش من دونك
اموت بنظرة عيونك
وحبك بس يكفيني