علميني كيف يادنيا العجايب
فهميني كيف دنيانا العجيبة 

مادريت ان الطفل يصير شايب
عجلت سود الليالي في مشيبه

السماء جفت من مزون السحايب
ارضها صاحت ولا نسمع نحيبه

اذكر اني يوم عديت الحبايب
انتي اول من ذكرته لي قريبه

كنتي اقرب من عيوني والقرايب 
لا نزف جرحي فلا غيرك طبيبه

ياما من شانك تحديت الصعايب
مانهاب أيامها ذيك المريبه 

راحت اسنين العمر والقلب ذايب
في هواء دربك ويحرقني لهيبه

علميني وش فعلنا من مصايب
مادريت ان الغلا عندك مصيبه

والله اني حالفن والقلب تايب
مالنا في شوف غيرك وش نبيبه

لين ماطيفك غدا بالكون غايب
وابطت ايامك علينا في مغيبه

العنب لوجف من حر الهايب 
باقين طعم الحلا يشهد زبيبه

اشرقت  شمس (ن)ً جديده بالهبايب 
وحضرت عندي ترى غيرك حبيبه