جرهد الشعر نطربه صديق ورفيق
هاج مثل الخليج وهل مثل السحاب
مفردات القوافي مثل عقد العقيق 
نادرات المعاني صادقات الخطاب
تشرق الشمس ومزون الغلا له بريق
لاذكرت الشمال وشمس قبل الغياب
ولمة الليل والمجلس كبير ويضيق
والاحبة تسولف ليه وشلون غاب
قلت انا غبت عنكم يم قمة طويق
والمقادير تحكم وانتحتبي سراب
ولو تطول الليالي حب عرعر عميق
عمرها كبر عمري راح فيها الشباب
كل اهلها حبايب بعدها مانطيق 
درهمي ياذلولي كل ليلي عذاب 
يمتك ديرتي بالصدر مثل الحريق
واسرعي بالمديد وعجلي بالجواب
واشرحي للعوالم وبرهني للصديق
واصدقي بالمشاعر واسرفي بالعتاب
ذكريات الطفولة لشوف اهلها شفيق 
وازعلوني بعضهم ماتحيزم وطاب
شرهتي باتصال وبعدكم ما نطيق 
مالفتني رسايل وينكم ياشباب
واذكري قصتي واحداث وقت سحيق 
وامتطينا الرحايل ودرهمتبي ركاب