‏سهرتني واتعبت قلبي من الضيق
‏ترمي علي رمح الجفا واتحمل
‏.
‏ياسيد جروح الخفوق الشواهيق
‏مواجع الايام من رحت حمل

‏تنام فيني  وارجع انام وافيق
‏دثرك خفاقي بنبضه وزمل
‏..
‏ولا كنك الا طير فك المسابيق
‏ورفرف جناحه للمفارق وكمل

‏انا على الذكرى حفظت المواثيق
‏ومديت كفي للمصافح ونمل

‏خليت لي شوقٍ يهز الطواريق
‏لا اجنبت يجنب وان تشاملت شمل

‏اخيل وجهك في جميع المخاليق
‏واغمض عيون الشقا واتامل

‏مليت صدك وانتطرت التوافيق
‏باب الامل من طول غيبتك رمل

‏اما انت عالج نزف حمر المعاليق
‏والا انت صرح بالفراق وتجمل