" من معلم مبسمك وأد .. الكلام" 

ياشعوري ليه دمعاتك .. تسيل 
من معلم مبسمك وأد .. الكلام
ليه ترجف ساقك ويدك تشيل 
نصف قلبٍ كان عنوان السلام 
ليه دايم تقبل بدور ... القتيل 
وليه توقف في طريق الانهزام 
ليه ماتشعل بخفاقي .. فتيل 
وليه ماتحرّم على قلبي الهيام 
ليه ..ليه ..وليهٍ(ن) بغصة عليل 
عاف نفسه وقعد الدنيا وقام
جامحٍ جرحه وتسمع له صهيل
وده برفس ..الالم .. والانتقام 
بس ردّه شخص احساسه سليل 
لاتذكر معه لحظات ...  الغرام  
هات راسك خله بحضني يميل
لاتعود ع السهر تكفى .. تنام
ونبه الاحلام غصات الرحيل 
لاتجيب اللي خنقها بالمنام 
يكفي انه وحد الأوقات ليل
وين ما وجه معه تلقى ظلام
دام مالك مع احاسيسك بديل
ارفع ايدينك .. وكبر .. للقيام 
ادعي الله واطوي الليل الطويل 
وخل تسبيحك ودعواتك سهام
لاتسامح من ترك قلبك ..سبيل  
للمواجع واحرمه نبض ..السلام 
ولا تحاول تصبح بفقدك دخيل 
الصدور احيان مافيها.. اعتصام