اطلق جناحك للعلا وأركب الريح
‏وعينك تطالع في سما كل قمه

‏الهم هوجاس القلوب المجاريح
‏ داوه اذا قفّل طريقك  بهِمَّـــه!!

‏ودربٍ يذكّرك العنا والتباريح!! 
‏إمسك طريقٍ ما يقربك يمّه! 

‏وليلك اذا راحت نجومه مدابيح
‏ما انت الوحيد اللي سواده يطمّه

‏لعل حزات السعد بالمصابيح 
‏يلقابها المهموم تفريج همّه !! 

‏وان قلت يا هزك زمانك ابا اطيح!! 
‏هفيت هفت  من وقع  له  بجمّه

‏دنياك هذي في يدين المراويح
‏لو الهوى بيدينهم ما تشمّــه!! 

‏عيشة معزة من وراها تلاتيح
‏ولاغناةٍ من ورااااها مذمّـــــة

‏مايجمع الزّهيد هم والمشافيح
‏الا النصايب فوق قبر ندمّه!!