" ديار عرعر " 

عرعر - مطيران النمس 

يوم جيت من الحفر لديار عرعر

شفت بديار الشمال احلى مدينه

اشهد ان الشخص لامن جاه يفخر 

من حلا عرعر ومن طيبه وزينه

من جماله صار بين المدن يظهر 

وانشهر والناس صارو عارفينه

بالفخر والعز لامن جيت تشعر 

وربعي الويلان وسطه ساكنينه

بالشهامه والكرم جوه معطر 

جعل منهو ساكنه تبطي سنينه

انشهر بالطيب عرعر واهل عرعر

يستحق المدح كل مواطنينه

الشمالي دوم بابه مايسكر 

وان خطرته دايماً يضحك جبينه

قدم الفنجال بالبّن المبهر 

وكثر الترحيب باللي ضايفينه

الشمالي دايماً للطيب مصدر

اشهد انه بالكرم تفعل يمينه