تعال صارحني بود ٍ ولطفي
ماهو حرام انا نقول الصراحه
حرام والله يوم تقفي وانا اقفي
والكل منا راح يحمل اجراحه
محال تنسى لاتكابر وتخفي
وانامحال انسى ولاني براحه
دشيت في نار الوله منك يكفي
الشوق ماخلى بحياتي مساحه
الاوسكنها وقال لي وين نصفي
وانا جريح ولا تحمل كفاحه
هذه الحقيقه والصراحه توفي
وأدع الولي صدرك يزيد انشراحه
ولاتخلي اعدايه عليكم تلفي
كثيرجوني حاملين الو قاحه
عرفت مقصدهم ولوجو بصفي
راع الردية ما يخلي اسلاحه
يانورعيني ياحياتي وشفي
شل حاجز الصمت الرهيب بسماحه
واطف الجمربعد اللهب جاب حتفي
داخل فؤادي كل شي استباحه
من سلسبيلك لوتكرمت يطفي
يالي خوافي خافقي لك مباحه
