علموا لي حبيبي منيتي في وصاله
علموا لي حبيبي عن علوماً خفيه
علموا لي حبيبي ياعساني فداله
يا عساني فداله ليه يقسي عليه
ليه يجرح خفوقأ شال همه بداله
ليه يقتل طموحي بالسهوم القويه
إسألوه بصراحه واحلفوا عن دلاله
لين يثبت جوابه زين راع الحميه
يوم طاحت عزومه من حزن من بكى له
يوم سالت دموعه ويش بلل يديه
حين ضاق الفضاء به من لفاه وشكى له
يسمعه كل لحظة ولا يمل الشكيه
وقت خان الخوي عهده من اللي وفاء له
من عطاه الهناء عقب الحياة الشقيه
من تكلف عشانه وأنتخى وأرتكى له
من رخص لجل عينه من غدا له ضحيه
وعلموه إن قلبي يعشقه وأنحنى له 
وطاح في كف يده يرتجيه العطيه