احتريتك لين غيب مع خفوق الروح صبري
ولين في صدري تساوت جيتك ويّا  عدمها
كان ميعاد الغلا من قبل ما  انساك عذري
مع اماني رهن لوحة باقية  محدن رسمها
تدري اني في  غيابك ما اطيق البعد تدري
و يوم انا سقت المحبة  طايعة  للي دفنها
ما رجيتك  لو ثواني  بالخفى  للجرح تبري
بي عزيز النفس  عافت  غلطةٍ  بتوب عنها 
وابتدي دنيا  جديدة  معلنة   ميلاد فجري
مابها لحظة  عرفتك  اونخيتك عن سقمها
اكتب لحر القصايد قافية  من بوح صدري
 بي تفرّد  محتواها  لين  ماصرت  بقممها
بدري انك تمتلكني في حروف الشعر بدري 
ولا نظمت من القصايد  غير  لمقدر ثمنها